La 17-an de marto, la brita registaro anoncis planojn investi 1 miliardon da britaj pundoj (1,39 miliardojn da usonaj dolaroj) por redukti karbonajn emisiojn en industrioj, lernejoj kaj hospitaloj kiel parto de la antaŭenigo de la "verda revolucio".
La brita registaro planas atingi nulajn netajn emisiojn antaŭ 2050 kaj samtempe pliigi dungadon por kompensi la ekonomiajn perdojn kaŭzitajn de la nova kronpulminflama epidemio.
“La plano helpos konsiderinde redukti la karbonajn emisiojn generitajn dum la procezo de ekonomia disvolviĝo, kaj helpos Brition atingi nulajn netajn karbondioksidajn emisiojn antaŭ 2050,” diris la brita ministro pri Komerco kaj Energio, Kwasi Kwarteng, en la anonco.
La anonco montras, ke ĉi tiuj mezuroj pliigos ĝis 80 000 laborpostenojn en la venontaj 30 jaroj kaj helpos redukti industriajn karbondioksidajn emisiojn je du trionoj en la venontaj 15 jaroj.
Estas raportite, ke el la 1 miliardo da britaj pundoj investitaj ĉi-foje, ĉirkaŭ 932 milionoj da britaj pundoj estos uzataj por konstrui 429 projektojn en Anglio por helpi antaŭenigi la karbonajn emisiojn de publikaj konstruaĵoj kiel lernejoj, hospitaloj kaj parlamentejoj.